मष्टा गाउपालिका वडा नमबर ७ मा प्लास्टिक जन्य फोहर ब्यवस्थापन र गाउँघर सरसफाई अभियान संचालन गरएिको छ । मष्टा गाउँपालिका वडा नं ७ ठकुन्ना टोलमा अर्गानिक कृषक समुह र नमुना आदर्श बाल क्लवको आयोजनामो उक्त अभियान सञ्चालन गरीएको हो । प्लास्टिकले हाम्रा दैनिकिमा केहि सजिलो बनाए पनि यसका अवगुणहरु पनि प्रसस्त छन् । यसबाट उत्सर्जन भएको फोहोर व्यवथापन एउटा दिर्घ कालिन समस्याको बिषय हो । प्लास्टिक नकुहिन फोहर भएकाले हावाले उडाएर लैजाने , जतातै अव्यवस्थित रुपमा प्लास्टिक फाल्नले वाताबरण फोहोर हुँने, पानीको मूहान, नदी नाला प्रदुषित हुँने तथा गाउँको शोभा नै कुरुप पारिदिने गरेकाले यो अभियान सञ्चालन गरीएको हो । साहारा नेपाल बझाङ्ग द्वारा संचालित खाद्य सुरक्षा सुधार दिगो जिविकोपार्जन र महिला सशक्तीकरण परियोजनाका सामाजिक परिचालक सन्तोष बोहराको पहलमा मष्टा गाउँपालिका वडा नं. ७ वडा कार्यालय , हिमालय आधारभुत बिध्यालय , ठकुन्ना आधारभुत स्वास्थ्य कार्यालय, स्थानिय महिला, युवाको बाक्लो उपस्थितिमा समुदायमा भएको प्लास्टिक जन्य फोहर ब्यवस्थापन र गाउँघर सरसफाई अभियान संचालन गरएिको थियो ।